Wamarekani wawanajisi wanawake wa Kiafghani

Wakazi wa kijiji kimoja cha kaskazini mwa Afghanistan wamesema kuwa askari wa Marekani wamewanajisi wanawake kadhaa wakati wa msako wa nyumba kwa nyumba uliofanywa na askari hao katika nyumba zao.
Wakazi wa kijiji hicho wanasema tukio hilo lilijiri eneo la Chahar Bolak kwenye jimbo la Balkh ambako kikosi maalumu cha jeshi la Marekani kilifanya msako wa nyumba kwa nyumba.

Watu 10 wauawa katika jimbo la Borno Nigeria

Kwa uchache watu 10 wameuawa baada ya watu wanaobeba silaha kushambulia Kanisa moja lililoko katika kijiji cha Chibok  kilichopo katika jimbo la Borno kaskazini mashariki mwa Nigeria. Kwa upande mwengine, askari polisi wawili wameuawa kwenye shambulizi lililofanywa na kundi la Boko Haram kaskazini mashariki mwa nchi hiyo. Shambulio hilo limefanyika katika eneo la Maiduguri lililoko umbali wa kilomita 140 kutoka jimbo la Borno.

UN yatakiwa kuidhinisha majeshi ya kimataifa Mali

Umoja wa Afrika umeutaka Umoja wa Mataifa ukubali haraka iwezekanavyo mpango wa kupelekwa kikosi cha kimataifa cha kulinda amani kaskazini mwa Mali.
Takwa hilo limekabidhiwa rasmi kwa Umoja wa Mataifa na  Maraisi Thomas Boni Yayi wa Benin ambaye pia ni Mwenyekiti wa sasa wa Umoja wa Afrika na Idriss Deby wa Chad kwa niaba ya Umoja wa Afrika.

Somalia yahitajia misaada ya kukabiliana na ukame

Umoja wa Mataifa unahitaji kiasi cha euro bilioni moja kwa shabaha ya kukabiliana na balaa la njaa nchini Somalia.
Taarifa zinasema kuwa, Umoja wa Mataifa umeitaka jamii ya kimataifa itoe kiasi hicho cha fedha kwa shabaha ya kuisaidia Somalia katika kukabiliana na baa la njaa

Hamas iondolewa katika orodha ya magaidi

Mjumbe wa Kamisheni ya Usalama wa Taifa na Siasa za Nje ya Bunge la Iran amesema, kwenda sambamba malengo ya Hamas na Makubaliano ya Umoja wa Mataifa kunalazimu kuiondoa harakati hiyo katika makundi ya kigaidi. Nouzar Shafii ameashiria takwa la Ismail Haniya la kuondolewa harakati hiyo ya  mapambano ya Kiislamu ya Palestina katika orodha ya makundi ya kigaidi na kuongeza kuwa,

Sudan yasisitiza kujibu uchokozi wa Israel

Waziri wa Habari na Utamaduni wa Sudan amesisitiza kwamba, Khartoum ina haki ya kutoa jibu kwa hujuma na uchokozi wa Israel. Ahmed Bilal Othman amesema, kwa mtazamo wa Khartoum ni kuwa faili la hujuma, uchokozi na shambulio la Israel dhidi ya Sudan bado liko wazi na kwamba,

Waasi wa M23: Tukipuuzwa tutarejea tena Goma

Waasi wa M23 wa Jamhuri ya Kidemokrasia ya Kongo wametishia kuwa watarejea tena katika mji wa Goma wa mashariki mwa nchi hiyo endapo serikali ya Kinshasa haitoafiki kufanya nao mazungumzo hadi kufikia Jumatatu ya leo.  Bertrand Bisimwa mmoja wa wasemaji wa M23 amesema kwamba, wanaumia sana kuondoka Goma hasa kutokana na kupoteza watu wao katika mapigano ya kudhibiti mji huo; lakini kwamba kama kufanya hivyo kutakuwa ni kutoa zawadi kwa mchakato wa amani wanalikubali hilo.

Mzozo kati ya CNN na Tanzania wazidi kutokota

Serikali ya Tanzania imetishia kuishtaki kanali ya kimataifa ya televisheni ya CNN kutokana na kanali hiyo kupeperusha habari zisizo na uhakika kuhusu mpaka wa Tanzania na Malawi katika Ziwa Nyasa.
Habari hizo zilirushwa na kituo hicho nchini Marekani kuanzia Novemba 24-26 mwaka huu, ikionesha kuwa mpaka wa Tanzania upo ukingoni mwa ziwa hilo badala ya katikati.
Akizungumza na waandishi wa habari jijini Dar es Salaam,

Burkina Faso yasisitiza juu ya oparesheni ya kijeshi kaskazini mwa Mali

Waziri wa Mambo ya Nje wa Burkina Faso amesema nchi yake iko tayari kushiriki katika oparesheni ya kijeshi huko kaskazini mwa Mali.

Jibril Bassole amesisitiza juu ya kukombolewa eneo la kaskazini mwa Mali na kusema kuwa wanajeshi wa Burkina Faso wako tayari kushiriki kwenye oparesheni hiyo. Burkina Faso,

Khalid Masha'al kuitembelea Gaza wiki ijayo

Mkuu wa Ofisi ya Kisiasa ya Hamas, Khalid Mash'al ametangaza kuwa atautembelea Ukanda wa Gaza kwa mara ya kwanza tangu alipobaidishwa mwaka 1967.
Masha'al amekuwa akiishi uhamishoni nchini Syria hadi nchi hiyo ilipotumbukia kwenye machafuko mwaka jana ambapo kiongozi huyo wa Hamas alilazimika kuhamia Qatar.

Duni Haji apongeza kupungua maambukizo ya Ukimwi

Waziri wa Afya wa Zanzibar, Juma Duni Haji amepongeza ripoti ya Umoja wa Mataifa inayoonesha kuwa kiwango cha maambukizo ya virusi vya Ukimwi kimepungua kwa asilimia kubwa katika nchi zilizoko chini ya Jangwa la Sahara na ametaka juhudi zaidi zifanywe ili kiwango hicho cha maambukizi kiende chini zaidi.

WANAJESHI WANNE MBEYA WAFIKISHWA MAHAKAMANI KWA KOSA LA MAUAJI

 KAMANDA WA POLISI MKOA WA MBEYA DIWANI ATHUMANI

Na, Gordon Kalulunga, Mbeya

JESHI la polisi mkoani Mbeya limewafikisha mahakamani askari wa Nne wa Jeshi la wananchi wa Tanzania kwa tuhuma za mauaji.

Taarifa ya Jeshi la Polisi mkoani Mbeya iliyosainiwa na Kamanda wa polisi wa mkoa huo Diwani Athumani iliyotumwa kwa vyombo vya habari jana, imesema kuwa mnamo Novemba 18 huko katika hospitali teule ya wilaya ya Mbeya Vijijini Petro Sanga (25) alifariki dunia akipatiwa matibabu baada ya kuchomwa kisu.

Kamanda Diwani Athumani kupitia taarifa hiyo amesema kuwa marehemu alichomwa kisu shingoni na kikundi cha watu wanaosadikiwa kuwa ni wanajeshi kikosi cha 44 KJ Mbalizi akiwa kwenye Grocery inayoitwa Vavene Mwe.