MUUNGANO HARAMU 

 

Kuna adhimu ujumbe, mwapaswa kuufahamu

Ni wajibu niulumbe, mpate kuufahamu

Chanzoche Aboud Jumbe, ' PARTNERSHIP ' fahamu,

... ' Kitaka kuufahamu, msome Aboud Jumbe.

Kimechambua kimbembe, Cha muungano haramu,

Ulosheni upambe, wa kambi mbili hasim

Zote za nyundo na jembe, japo moja madhulumu, ' Kitaka kuufahamu, msome Aboud Jumbe.

Yatakwa funikwa kombe, apite mwanaharamu

Au ridhaa iombe, kwa mshirika adhimu

Nyayoze 'kibidi' rambe, kwa khushui na nidhamu,

' Kitaka kuufahamu, msome Aboud Jumbe.

La sivyo wake viumbe, washikezao hatamu,

Vinginevyo chembechembe, huingizwa zenye sumu,

' Kitaka kuufahamu, msome Aboud Jumbe.

Uhai sasa wa tembe, muungano haramu,

Kisa wa watu upambe, waso na yake elimu,

Mithili ya wanywa pombe, waso vichwani fahamu, ' Kitaka kuufahamu, msome Aboud Jumbe.

Umriwe si ukembe, mkongwe ni wa kadimu

Nilolenga si upembe, nikuzindua kaumu,

ILi watu wasiyumbe, kwa muungno haramu,

' Kitaka kuufahamu, msome Aboud Jumbe.

Kitabu kina ujumbe, maridhia kwa kaumu

Kutoka kwa ' Bwana ' Jumbe, Kiongozi muadhamu,

Kimelifunua kombe, asipite mwanaharamu

' Kitaka kuufahamu, msome Aboud Jumbe.

Kaditamati ujumbe, sina zima kwa kaumu

Kadhalika mze Jumbe ashatimiza jukumu

Mwisho nyote niwaombe, someni zake salamu,

"""""KITAKA KUFAHAMU, MSOME ABOUD JUMBE"""""