ZANZIBAR IMEZINDUA SAFARI ZA NDEGE MOJA KWA MOJA KUTOKA JOHANNESBURG AFRIKA YA KUSINI HADI ZANZIBAR.

ZANZIBAR                               

ZANZIBAR IMEZINDUA SAFARI ZA NDEGE MOJA KWA MOJA KUTOKA JOHANNESBURG AFRIKA YA KUSINI HADI ZANZIBAR.

AKIZUNGUMZA  KATIKA UZINDUZI HUO ULIOFANYIKA HOTELI YA LAGEMA NUNGWI, MAKAMU WA KWANZA WA RAIS WA ZANZIBAR MHE. MAALIM SEIF SHARIF HAMAD, AMELIPONGEZA SHIRIKA LA NDEGE LA MANGO KUTOKA NCHINI HUMO KWA KUAMUA KUANZISHA SAFARI HIZO.

AMESEMA SAFARI HIZO ZITASAIDIA KUONGEZA IDADI YA WATALII KUTOKA AFRIKA YA KUSINI, HASA IKIZINGATIWA KUWA WATALII WA NCHI HIYO TAYARI WAMERUHUSIWA KUINGIA NCHINI BILA YA KUWA NA VIZA.

AMEFAHAMISHA KUWA ZANZIBAR INATEGEMEA SANA SEKTA YA UTALII KATIKA KUKUZA UCHUMI WAKE, NA KWAMBA KWA SASA NDIO SEKTA KIONGOZI INAYOCHANGIA UPATIKANAJI WA FEDHA ZA KIGENI KWA ASILIMIA 72.

AMESEMA SERIKALI KWA UPANDE WAKE ITAFANYA KILA JUHUDI KUSHIRIKIANA NA SHIRIKA HILO PAMOJA NA WAWEKEZAJI WENGINE, ILI KUHAKIKISHA KUWA  SEKTA YA UTALII NA UWEKEZAJI ZINAPATA MAENDELEO MAKUBWA.

AIDHA MAKAMU WA KWANZA WA RAIS AMEWATAKA WATEMBEZAJI WATALII PAMOJA NA VYOMBO VYA HABARI KUWA MABALOZI WAZURI WA  KUITANGAZA ZANZIBAR KWA WAGENI, ILI KUVUTIA WATALII NA WAWEKEZAJI WENGI ZAIDI.

AMEONGEZA KUWA LENGO LA SERIKALI NI KUONA KUWA INAFANYA KAZI KWA KARIBU ZAIDI NA WENZAO WA AFRIKA YA KUSINI KATIKA SEKTA ZOTE ZA MAENDELEO, ILI KUNYANYUA HALI ZA MAISHA KWA WANANCHI WA PANDE HIZO MBILI.

KWA UPANDE WAKE BALOZI WA AFRIKA YA KUSINI NCHINI TANZANIA BW. THAMDUYCSE CHILLIZA AMESEMA WANANCHI WA AFRIKA YA KUSINI MARA ZOTE WAMEKUWA WAKIJISIFIA UKARIMU WANAOUPATA KUTOKA KWA NDUGU ZAO WA TANZANIA, NA KWAMBA HALI HIYO IMEKUWA IKIWAVUTIA WAWEKEZAJI WENGI KUTOKA NCHI HIYO.

AMESEMA UZINDUZI WA SAFARI HIZO ZA MOJA KWA MOJA UTARAHISISHA SAFARI ZA WATALII NA WAWEKEZAJI WENGINE, SAMBAMBA NA KUKUZA UHUSIANO WA MUDA MREFU ULIOPO KATI YA NCHI HIYO NA ZANZIBAR.

AMESEMA TANZANIA IMEENDELEA KUWA NCHI MUHIMU BARANI AFRIKA KUTOKANA NA UWEPO WA AMANI NA USALAMA, TOFAUTI NA ILIVYO KWA NCHI NYINGI ZA AFRIKA, HALI INAYOIPA NAFASI KUBWA ZAIDI YA KUVUTIA WAWEKEZAJI KUTOKA NCHI MBALI MBALI DUNIANI.

NAE WAZIRI WA HABARI, UTAMADUNI, UTALII NA MICHEZO MHE. SAID ALI MBAROUK, AMEPONGEZA JUHUDI ZINAZOCHUKULIWA NA AFRIKA YA KUSINI KATIKA KUIMARISHA VITEGA UCHUMI VYAKE ZANZIBAR.

AMESEMA HATUA HIYO INADHIHIRISHA UKWELI KUWA ZANZIBAR NI MAHALI PAZURI NA SALAMA KWA UWEKEZAJI NA WAGENI, NA KULITAKIA SHIRIKA HILO LA NDEGE MAFANIKIO MAKUBWA KATIKA KUTEKELEZA MAJUKUMU YAKE YA KUTOA HUDUMA ZA USAFIRI WA NDEGE NCHINI.

{ZAIADA} MBAROUK SAID AMESEMA KUWA UKIMWI NI JANGA LA TAIFA HIVYO AMEWASHAURI WATUMIAJI WA DAWA ZA KULEVYA KUACHANA NA UTUMIAJI WA DAWA

WILAYA YA MJINI

AFISA UFATILIAJI WA TATHMINI YA JUMUIYA YA KUPAMBANA NA MADAWA YA KULEVYA {ZAIADA} MBAROUK SAID AMESEMA KUWA UKIMWI NI JANGA LA TAIFA HIVYO AMEWASHAURI WATUMIAJI WA DAWA ZA KULEVYA KUACHANA NA UTUMIAJI WA DAWA HIZO AMBAZO KWA KIASI KIKUBWA HUSABABISHA ONGEZEKO LA MAAMBUKIZI YA VIRUSI VYA UKIMWI.

AKIZUNGUMZA NA MWANDISHI WA HABARI JANA HUKO OFISINI KWAKE MWANAKWEREKWE AMESEMA KUWA NI VYEMA KWA WAZEE KUTUMIA MUDA MAALUM WA KUKAA NA WATOTO WAO KWA KUWAPA TAALUMA JUU YA ATHARI YA MARADHI HAYO AMBAYO YAMEPOTEZA MAISHA YA WATU WENGI DUNIANI HUSUSA VIJANA AMBAO NDIO TEGEMEO LA TAIFA.

AIDHA AMEFAHAMISHA KUWA JUMUIYA YAO INAENDELEA NA SHUGHULI ZA USHAURI NASAHA KWA WATUMIAJI WA DAWA ZA KULEVYA NA KUWAPELEKA KATIKA VITUO VYA AFYA ILI KUWAPIMA VIRUSI VYA UKIMWI NA KUWAPELEKA KWENYE NYUMBA ZA KUREKEBISHA TABIA NA KUWEZA KUPATA UANGALIZI ZAIDI WA AFYA ZAO.

AMEFAHAMISHA KUWA JAMII SI VYEMA KUWANYANYAPAA WATUMIAJI WA DAWA ZA KULEVYA NA KUWATENGA KWANI KUFANYA HIVYO KUTASABABISHA MADHARA ZAIDI KWA WATUMIAJI HAO NA BADALA YAKE KUKAA NAO PAMOJA ILI KUWAELIMISHA ATHARI ZINAZOWEZA KUWAPATA JUU YA MATUMIZI YA DAWA HIZO .

HIVYO AMEIYOMBA JAMII KUWAKUBALI NA KUWAPA MASHIRIKIANO WATU AMBAO WAMEACHA KUTUMIA MADAWA YA KULEVYA NA KUWASHIRIKISHA KATIKA SUGHULI ZA KIJAMII ILI KUWEZA KULETA MAENDELEO NDANI YA NCHI..

TAARIFA KWA VYOMBO VYA HABARI

STATE HOUSE ZANZIBAR

OFFICE OF THE PRESS SECRETARY

PRESS RELEASE

Zanzibar 25 Novemba, 2013

TAARIFA KWA VYOMBO VYA HABARI

RAIS WA ZANZIBAR NA MWENYEKITI WA BARAZA LA MAPINDUZI DK. ALI MOHAMED SHEIN AMEIPONGEZA WIZARA YA KILIMO NA MALIASILI KWA KUWEZA KUTEKELEZA KWA MAFANIKIO MAKUBWA MPANGOKAZI WA WIZARA HIYO KWA MWAKA WA FEDHA 2012/2013.

PONGEZI HIZO AMEZITOA WAKATI AKIZUNGUMZA KATIKA KIKAO CHA KUJADILI TAARIFA YA UTEKELEZAJI WA MPANGOKAZI WA WIZARA HIYO KWA MWAKA WA FEDHA 2012/2013 NA TAARIFA YA ROBO YA KWANZA YA MWAKA WA FEDHA 2013/2014 KILICHOFANYIKA IKULU LEO.

DK. SHEIN ALIBAINISHA KUENDELEA KUUNGWA MKONO NA WASHIRIKA WA MAENDELEO KWA PROGRAMU MBALIMBALI ZINAZOBUNIWA NA WIZARA HIYO NI UTHIBITISHO WA UMAKINI WA WIZARA KATIKA KUBUNI NA KUTEKELEZA MAJUKUMU YAKE YA KUIMARISHA KILIMO NCHINI.

HATA HIVYO MHESHIMIWA RAIS AMEITAKA WIZARA HIYO KUONGEZA KASI YA KUTOA ELIMU KWA WANANCHI JUU YA PROGRAMU ZAKE MBALIMBALI ILI ZIWEZE KUPATA MAFANIKIO ZAIDI.

ALITOA MFANO MRADI WA UDHIBITI WA NZI WA MATUNDA AMBAPO ALIELEZA KUWA PAMOJA NA JITIHADA ZINAZOFANYIKA ALIITAKA WIZARA KUTOA ELIMU YA KUTOSHA ITAKAYOWAWEZESHA WANANCHI KUWATAMBUA VYEMA AINA HIYO YA NZI NA HATUA NYINGINE ZA KUKABILIANA NAO UKIACHIA MITEGO INAYOTOLEWA SASA.

“CHAPISHENI VIJARIDA KWA LUGHA NYEPESI KUSAIDIA WANANCHI KUWAFAHAMU NZI HAWA NA KUWAELEKEZA UMUHIMU WA KUYAFUKIA MATUNDA YALIYOATHIRIKA BADALA YA KUYATUPA TU KITENDO AMBACHO HAKISAIDII VITA DHIDI YA NZI HAO” DK. SHEIN ALIFAFANUA.

SAMBAMBA NA HATUA HIYO AMEITAKA WIZARA HIYO KUIPITIA UPYA SHERIA YA UDHIBITI WA MIMEA NA MAZAO KWA KUZINGATIA MAZINGIRA YA SASA YA BIASHARA NA UWEKEZAJI.

KUHUSU SUALA LA LISHE HASA UNYONYESHAJI WA MAZIWA YA MAMA KWA WATOTO RAIS ALIITAKA WIZARA KUELEKEZA PIA PROGRAMU ZAKE KATIKA MAENEO YA MIJINI BADALA YA KUWEKA MKAZO ZAIDI MAENEO YA VIJIJINI KAMA ILIVYO SASA.

“MIJINI KUNA WATU WENGI KWA MFANO MKOA WA MJINI MAGHRIBI UNA WATU WENGI ZAIDI YA NUSU MILIONI NA WANAWAKE WENGI WA MIJINI HAWAYONYESHI WATOTO WAO WAKATI WOTE KWA SABABU MBALIMBALI”ALIELEZA DK. SHEIN NA KUTAKA JITIHADA ZIFANYWE KUTOA ELIMU KWA KINAMAMA HAO.

AWALI AKITOA MAELEZO KATIKA KIKAO HICHO WAZIRI WA KILIMO NA MALIASILI SULEIMAN OTHMAN NYANGA ALIELEZA KUWA KATIKA KIPINDI KILICHOPITA WIZARA YAKE IMEWEZA KUCHUKUA HATUA MBAMBALI ZA KUIMARISHA KILIMO KWA KUZINGATIA MIPANGO MIKUU YA MAENDELEO NA ILANI YA UCHAGUZI YA CCM.

KATIKA MWAKA WA FEDHA 2012/2013 ALISEMA WIZARA ILICHANGIA ASIMILIA 30 YA PATO LA TAIFA AMBAPO ILIKADIRIWA KUWA ZAIDI YA ASILIMIA 70 YA WANANCHI WALITEGEMEA SEKTA ZA KILIMO NA MALIASILI KWA AJIRA NA MAPATO.

KWA UPANDE WA MWAKA WA FEDHA 2013/2014 WAZIRI NYANGA ALISEMA WIZARA YAKE IMEJIWEKEA MALENGO 11 ILI KUIMARISHA KILIMO NA MALIASILI IKIWEMO KUIMARISHA MIFUMO YA KISERA NA SHERIA KWA KUZIPITIA NA KUTAYARISHA SERA 2, SHERIA 2 NA TAFITI MBILI ZA KIUCHUMI NA KIJAMII KUKABILIANA NA CHANGAMOTO ZINAZOIKABILI SEKTA HIYO.

MALENGO MENGINE NI KISIMAMIA UKULIMA WA EKARI 35,000 ZA MPUNGA,KUOTESHA NA KUSAMBAZA KWA WAKULIMA MICHE MILIONI MOJA YA MIKARAFUU, MICHE MILIONI MOJA NA NUSU YA MISITU NA MATUNDA, KUANZISHA NA KUENDELEZA TAFITI 17 ZA MBEGU MPYA ZA UZALISHAJI WA MAZAO MAKUU YA CHAKUA NA BIASHARA.

AKIWASILISHA RIPOTI YA UTEKELEZAJI YA WIZARA KATIBU MKUU AFFAN OTHMAN MAALIM ALIELEZA KUWA KATIKA KIPINDI KILICHOPITA WIZARA ILIWEZA KUKAMILISHA RASIMU YA SHERIA YA HAKIMILIKI ZA WAGUNDUZI WA AINA ZA MBEGU ZA MIMEA PAMOJA NA RASIMU YA MPANGO WA UTEKELEZAJI SERA YA MASOKO.

KIKAKO HICHO KILIHUDHURIWA PIA NA MAKAMU WA KWANZA WA RAIS MAALIM SEIF SHARIFF HAMAD NA KATIBU MKUU KIONGOZI DK. ABDULHAMID YAHYA MZEE.

MWENYEKITI WA JUMUIYA YA MAENDELEO YA ELIMU ZANZIBAR ZEDO NDUGU USSI SAID SULEIMAN AMEWATAKA WANAFUNZI NCHINI KUSHIRIKI KATIKA MAFUNZO YA SOCIAL MEDIA,

PEMBA

MWENYEKITI WA JUMUIYA YA MAENDELEO YA ELIMU ZANZIBAR ZEDO NDUGU USSI SAID SULEIMAN AMEWATAKA WANAFUNZI NCHINI KUSHIRIKI KATIKA MAFUNZO YA SOCIAL MEDIA, AMEYASEMA HAYO HUKO KATIKA SKULI YA SEKONDARI UTAANI KWENYE SHEREHE YA UFUNGUZI WA MAFUNZO YA SIKU TATU YA SOCIAL MEDIA. NDUGU USSI AMESEMA NI VYEMA KWA WANAFUNZI KUJIFUNZA UJUZI WA KOMPYUTA KWANI ITAWEZA KUWASAIDIA IWAPO WTAITUMIA IPASAVYO. AMEWAASA WANAFUNZI KUACHA KUITUMIA MITANDAO KATIKA MAMBO YA KIPUUZI KAMA VILE KUANGALIA PICHA ZA NGONO NA BADALA YAKE KUITUMIA MITANDAO KWA AJILI YA KUJISOMEA. AIDHA NDUGU USSI AMESEMA ELIMU YA KOMPYUTA IMEENEA KOTE DUNIANI. HATA HIVYO NDUGU USSI AMELIPONGEZA JESHI LA POLISI LA MKOA WA KASKAZINI PEMBA KWA MASHIRIKIANO MAZURI WANAYOYATOA KWA JUMUIYA YA ZEDO ILI KUONA JUMUIYA YA ZEDO INAFANIKISHA MALENGO YAKE YALIYOJIWEKEA YA KUINUA KIWANGO CHA ELIMU KATIKA MKOA WA KASKAZINI PEMBA. NDUGU USSI AMESEMA JESHI LA POLISI LA KUPIGWA MFANO KWA JITIHADA ZAKE KWA HALI NA MALI ILI KUWEZA KULETA MAENDELEO MAZURI YA ELIMU KATIKA MKOA HUO. VIJANA 60 WA MKOA HUO WAKIWEMO WANAFUNZI, WALIMU NA WAFANYA KAZI WENGINE WAMEJITOKEZA KUSHIRIKI KATIKA MAFUNZO YA SIKU TATU YA SOCIAL MEDIA.

NAE KAMANDA WA POLISI MKOA WA KASKAZINI PEMBA RPC BWANA MOHD SHEIKHAN MOHD, AMBAE ALIKUWA MGENI RASMI KATIKA SHEREHE HIZO ZA UFUNGUZI WA MAFUNZO YA SIKU TATU YA SOCIAL MEDIA. AMEIPONGEZA SANA JUMUIYA YA ZEDO KWA UAMUZI WAKE WA KUANDAA MAFUNZO HAYO KATIKA MKOA HUO. AMESEMA YATAWEZA KUWASAIDIA WANAFUNZI KATIKA MASOMO YAO. AIDHA KAMANDA MOHD AMEWATAKA WASHIRIKI HAO KUACHA KUJIINGIZA KATIKA WIMBI LA MADAWA YA KULEVYA, WIZI NA UASHARATI NA BADALA YAKE KUJISHUHULISHA NA MASOMO TU. AMESEMA KAMANDA MOHD NI MUHIMU SANA KWA MAISHA YA SASA KUPATA ELIMU YA KOMPYUTA. AKIFAFANUA AMESEMA HATA MAJAMBAZI HUTUMIA KOMPYUTA KWA MIPANGO YAO YA KUTAKA KUIBA , HIVYO ITAWEZA KUSAIDIA PIA KUONDOSHA UHALIFU NCHINI IWAPO KUTAKUWA NA WATAALAMU WA FANI HIYO YA KOMPYUTA.

Dr. shein ameiagiza wizara ya miondominu na mawasiliano kukaa pamoja na mamlaka ya usafiri wa bahari zanzibar

RAIS WA ZANZIBAR NA MWENYEKITI WA BARAZA LA MAPINDUZI DK. ALI MOHAMED SHEIN AMEIAGIZA WIZARA YA MIUNDOMBINU NA MAWASILIANO KUKAA PAMOJA NA MAMLAKA YA USAFIRI WA BAHARINI KUFIKIRIA NAMNA BORA ITAKAYOWEZA KUSAIDIA USALAMA WA WANANCHI WANAOTUMIA VYOMBO VIDOGO VIDOGO VYA USAFIRI WA BAHARINI.

DK. SHEIN AMETOA AGIZO HILO JANA WAKATI WA MKUTANO WAKE NA UONGOZI NA WATENDAJI WA WIZARA YA MAWASILIANO NA MIUNDOMBINU KUJADILI UTEKELEZAJI WA BAJETI YA MWAKA ULIOPITA 2012/2013 NA ROBO YA KWANZA YA MWAKA WA FEDHA 2013/2014.

AMESEMA INGAWA SHERIA ZA MAMLAKA YA USAFIRI BAHARINI HAZIHUSISHI KAZI ZA USAFIRI WA VYOMBO VIDOGO VIDOGO, UZOEFU UMEONESHA KUWA WATU WA MAENEO MBALI MBALI KATIKA VISIWA VYA UNGUJA NA PEMBA WANATUMIA AINA HIYO YA USAFIRI BILA YA KUPATA USHAURI WA KITAALAMU AMBAO UTAWAHAKIKISHIA USALAMA KATIKA SHUGHULI ZAO ZA KILA SIKU.

“PAMOJA NA KUWA SHERIA ZA MAMLAKA YA USAFIRI HAZIIPI MAMLAKA UWEZO WA KUSHUGHULIKIA VYOMBO VIDOGO VIDOGO VYA MBAO, WANANCHI WETU KATIKA MAENEO MBALI MBALI UNGUJA NA PEMBA WANAENDELEA KUTUMIA VYOMBO HIVYO NA WANAHITAJI USHAURI WA KITAALAM KWA USALAMA WAO, NI VYEMA MKAKAA PAMOJA KUONA JINSI GANI TUNAWEZA KUWASAIDIA WANANCHI WETU” ALISEMA DK. SHEIN.

ALISEMA HUU NI WAKATI MUAFAKA WA KUFIKIRIA NJIA BORA ZITAKAZOWAHAKIKISHIA WANANCHI USALAMA IKIWA NI PAMOJA NA KUUNDA KANUNI ZA KUSIMAMIA VYOMBO HIVYO PAMOJA NA KUWASHAURI.

VILE VILE DK. SHEIN AMEITAKA WIZARA HIYO KUCHUKUA JUHUDI ZA MAKUSUDI KUWAELIMISHA WANANCHI JUU YA UTARATIBU UNAOTUMIKA KATIKA KULIPA FIDIA ZA MALI ZINAZOPOTEA KUTOKANA NA UJENZI WA MIUNDO MBINU HASA BARABARA.

AMESEMA MAENDELEO YANAKUJA NA CHANGAMOTO NYINGI AMBAZO BAADHI YAKE ZINAKUWA VIGUMU KUKABILIANA NAZO, HIVYO BUSARA ZINAHITAJIKA ZA KUZUNGUMZA NA WANANCHI WENYE MALI ZAO ILI WAWEZE KUKUBALI KUKABILIANA NA CHANGAMOTO ZINAZOJITOKEZA WAKATI WA KUIMARISHA MIUNDOMBINU KWA MASLAHI YA TAIFA.

RAIS WA ZANZIBAR NA MWENYEKITI WA BARAZA LA MAPINDUZI AMESEMA NI VYEMA WIZARA HIYO IKAONGEZA KASI YA KUSHUGHULIKIA MALIPO YA FIDIA KWA WANANCHI AMBAO BAADHI YAO WAMEKUWA WAKIILALAMIKIA SERIKALI KUTOKANA NA KUTOFAHAMU HATMA YA MALI ZAO IKIWEMO MASHAMBA NA NYUMBA.

DK. ALI MOHAMED SHEIN AMEIPONGEZA WIZARA YA MAWASILIANO NA MIUNDOMBINU KWS KUWEZA KUTEKELEZA VYEMA MALENGO YAKE ILIYOJIPANGIA KWA MWAKA WA FEDHA 2012/2013