Watu 22 wafariki kwenye mlipuko Saudi Arabia

Kwa akali watu 22 wamepoteza maisha na wengine 111 kujeruhiwa, baada ya kutokea mlipuko wa lori lililobeba gesi huko Riyadh, mji mkuu wa Saudi Arabia. Taarifa zinasema kuwa, mlipuko huo umejiri baada ya lori lililokuwa limebeba gesi kugonga daraja mashariki mwa Riyadh. Taarifa hiyo imeongeza kuwa, mlipuko huo pia ulisababisha magari mengine saba kuteketea na kuleta maafa makubwa kwenye nyumba za jirani na tukio hilo. Wakati huohuo, Fuad Ibrahim mchambuzi wa masuala ya kisiasa wa Saudi Arabia amesema kuwa, mapema leo asubuhi imetokea milipuko miwili mmoja ukijiri kwenye makazi ya raia na mwengine katika kituo cha mafuta. Ibrahim ameongeza kuwa, mlipuko huo umetokea kwenye bomba la mafuta, na inahisiwa kwamba hiyo ni hujuma iliyotekelezwa na kundi maalumu.